Entre o día 16 e 20 de abril de 2025 en horario de 20 a 22:30h., celébrase en Maceda a VI edición do concurso de tapas organizado polo Concello de Maceda e pola Asociación de Comerciantes e Empresarios de Maceda, coa finalidade de promover o movemento e a participación tanto de empresarios como de clientes asiduos aos establecementos de Maceda.
Para este concurso teremos como gañador o establecemento máis votado, e haberá tres premios para os participantes:
1º premio: Unha cea para dúas persoas. 2º premio: Tarxeta regalo que inclúe Spa para dúas persoas. 3º premio: Bono Lectura por valor de 50 €
Farase o sorte o luns 21 de abril no salón de actos do Concello entre todas as cartillas selladas cun mínimo de 6 establecementos.
A continuación facemos público o resultado da votación deste IV CONCURSO DE MECOS ENTROIDO MACEDA 2025.
Votaron un total de 206 persoas e o reparto de puntos nas diferentes categorías quedou tal e como se recolle nas táboas que adxuntamos nesta publicación.
O GAÑADOR/A NA CATEGORÍA DE MECO/A +ELABORADO OU MECO DE GRUPOS FOI: O TALLER DO FELO NO TOURAL (feito polos veciños do Toural) cun total de 690 puntos.
O GAÑADOR/A NA CATEGORÍA DE MECO/A +TROULEIRO/A: ANTONIO E MERCEDES ESTE ANO PLANTAN A SEMENTE DO AMOR (feito por Centro de Día de Maceda) cun total de 568 puntos.
A GAÑADORA NA CATEGORÍA DE MECO/A +ENXEBRE FOI: A MECA TEJE TEJE (feito por Mercería Pepita) cun total de 358 puntos.
Noraboa a tódolos gañadores/as e en especial a tódolos veciños/as que participaron activamente na elaboración dos mecos/as tantos os inscritos neste IV Concurso como aqueles que decidiron non inscribirse.
* Aclaración: os premios non son acumulativos, dado que o Meco O TALLER DO FELO NO TOURAL obtivo a maior puntuación nos apartados de +ENXEBRE e +ELABORADO, considerouse como gañador no apartado +ENXEBRE o seguinte meco/a que obtivo maior puntuación despois dos gañadores nas outras dúas categorías que foi a MECA TEJE TEJE.
Entrega de Premios:
Este venres 7 de Marzo de 2025 na Praza das Toldas de Maceda, tivo lugar o acto de entrega dos premios ós gañadores.
Fixeron acto de entrega o Presidente da Asociación de Comerciantes e Empresarios de Maceda e a Tesoureira da Asociación Rocío Apolinar Loureiro.
Recollen o Premio ó mellor “Meco Entroideiro máis Trouleiro”, unha representación da dirección do Centro de Día de Maceda, o Premio ó mellor “Meco Entroideiros máis Enxebre” a Titular do Comercio MERCERÍA PEPITA e o Premio ó mellor “Meco máis Elaborado ou de Grupos” como veciñas do Toural Cristina e Soraya.
O Entroido comeza co soar das chocas a noite de ano novo, percorrendo as rúas e avisando que o entroido xa chegou.
O Entroido de Maceda xa ten o recoñecemento de Festa de Interese Turístico de Galicia, e este ano 2025 abrimos o Entroido ca presentación oficial do cartel do Entroido e remataremos co enterro do Meco.
Este ano contaremos ca seguinte programación :
Sábado 25 de xaneiro
Acto de presentación Cartaz de Entroido 2025
Ás 12:30 h no Espazo A Fenda (Máis Información)
Sábado 8 de febreiro:
20 h. Reparto de Mecos (Asociación de Comerciantes) e a Solta do Burro co Barullón de Carguizoi. (Máis Información)
Dende a asociación de Comerciantes e Empresarios de Maceda colocaronse como veñen facendo os anos anteriores os nosos “Mecos” nas portas dos negocios.
Repartironse tamén “esqueletos” tanto na vila como nos pobos, os veciños que os solicitaron para animar a xente a que participe a disfrazalos, e así decorar rúas e prazas.
Así, o sábado 8 de febreiro de 2025 ás 20h., conxuntamente co “Barullón de Carguizoi” tivemos “a solta do burro” e a procesión dos mecos dende “O bar Cortes” ata o centro da vila, onde se rematou colgando un deles na praza do pobo.
Unha procesión animada a pesar da chuvia, para dar o pistoletazo de saída do entroido dende a Asociación de Comerciantes e Empresarios de Maceda e motivo para seguir a festa.
A este concurso poderán presentarse tódol@s veciñ@s do Concello de Maceda que o desexen, tanto a nivel particular como colectivo (Asociacións Culturais, Asociacións Veciñais, etc…), e tamén calquer tipo de negocio empresarial de Maceda sexa ou non socio desta asociación.
O prazo de inscrición no concurso será dende o día 4 ao 28 de Febreiro de 2025, ambos incluídos.
A inscrición realizarase a través de correo electrónico enviando os datos persoais, enderezo de ubicación do meco, unha fotografía do mesmo e o nome que se lle deu ó meco (comercioenmaceda@hotmail.com ) ou por teléfono: 988317110.
O prazo de votación irá dende o día 1 ó 5 de marzo (ambos dous inclusive).
Premios
– Meco máis entroideiro: cata espirituosa para seguir entroidando (cesta cheíña de verdadeiras xoias vinícolas e licores ancestrais…)
– Meco máis elaborado: degustación de doce experiencias para ser felices (Cestiña irresistible cos postres máis típicos e cheos de historia da comarca).
– Meco de grupos: degustación entroideira de momentos para compartir (Cesta cocido: Banquete tradicional cos mellores produtos da comarca)
Inscribe o teu meco antes do 1 de Marzo enviando algunhas fotos do teu meco/a cos teus datos persoais e a ubicación do mesmo a: comercioenmaceda@hotmail.com
Organizado polo concello de Maceda o 25 de xaneiro de 2025 tivo lugar ás 12:30 h. no Espazo A Fenda tera lugar o acto de presentación Cartaz de Entroido 2025
Presentado por Celso Sánchez, Concelleiro de Cultura e ca intervención dos Felos da Corga da Serra, Felos das 12 parroquias, ANPA Ceip de Maceda, Fiadeiro de Carguizoi, Asociación de Comerciantes e Empresarios de Maceda, os Taberneiros do Pobo.
Así interviron: José Antonio “Pinto”, dos Felos da Corga da Serra, lembrou que o Sábado e o Domingo de Entroido os felos percorrerán as aldeas da Serra, Javier Gómez, “Willy” falou polos Felos das 12 parroquias, a asociación que recuperou a Baixada de Marela, Miguel Iglero, organizador do Fiadeiro de Carguizoi, anunciou a recuperación do Reinado por testemuñas dos seus avós, a Asociación de Comerciantes, a través de Elvira Iglesias, organizando a colocación dos Mecos polas distintas empresas, Toño, o presidente da Asociación de Taberneiros do Pobo lembrou que se despedirá o entroido ca queima do Meco e unha pinchada organizada por eles. A ANPA do CEIP de Maceda, representada por Iria Dopazo, organizadores da “Mareliña” e do obradoiro de elaboración de compadres e comadres, anima as familias a participar nas actividades.
Hoxe, 27 de novembro de 2024 a edición de Ourense do xornal La Voz de Galicia recolle en portada o proxecto do videoclip e a campaña promocional feita desde Maceda para revitalizar o comercio local dende a Asociación de Comerciantes e Empresarios de Maceda.
A Asociación de comerciantes e empresarios de Maceda tivo un acto público o sábado 2 novembro de 2024 no salón de plenos do Concello de Maceda.
Neste acto presentouse o proxecto “Merca en Maceda, apoia ó comercio local” financiado nun 80 % polo Inorde e un 20% con cargo ós fondos propios desta asociación.
Dentro de este proxecto englobanse tres accións diferenciadas:
A posta en marcha dun portal web interactivo www.comercioenmaceda.com como portal de información do eido comercial e empresarial asi como do referente o tema de actividades culturales e turisticas ou calquer información de interese.
web comercioenmaceda.com
A creación dun produto audivisual para concienciar do importante que é mercar no teu entorno para así mellorar entre todos:
A difusión de ofertas e informacións comerciais e empresarias a traves dun folleto que se repartirá por toda a contorna.
