Categoría: Actividades

A continuación facemos público o resultado da votación deste IV CONCURSO DE MECOS ENTROIDO MACEDA 2025.

Votaron un total de 206 persoas e o reparto de puntos nas diferentes categorías quedou tal e como se recolle nas táboas que adxuntamos nesta publicación.

O GAÑADOR/A NA CATEGORÍA DE MECO/A +ELABORADO OU MECO DE GRUPOS FOI: O TALLER DO FELO NO TOURAL (feito polos veciños do Toural) cun total de 690 puntos.

O GAÑADOR/A NA CATEGORÍA DE MECO/A +TROULEIRO/A: ANTONIO E MERCEDES ESTE ANO PLANTAN A SEMENTE DO AMOR (feito por Centro de Día de Maceda) cun total de 568 puntos.

A GAÑADORA NA CATEGORÍA DE MECO/A +ENXEBRE FOI: A MECA TEJE TEJE (feito por Mercería Pepita) cun total de 358 puntos.

Noraboa a tódolos gañadores/as e en especial a tódolos veciños/as que participaron activamente na elaboración dos mecos/as tantos os inscritos neste IV Concurso como aqueles que decidiron non inscribirse.

* Aclaración: os premios non son acumulativos, dado que o Meco O TALLER DO FELO NO TOURAL obtivo a maior puntuación nos apartados de +ENXEBRE e +ELABORADO, considerouse como gañador no apartado +ENXEBRE o seguinte meco/a que obtivo maior puntuación despois dos gañadores nas outras dúas categorías que foi a MECA TEJE TEJE.

Entrega de Premios:

Este venres 7 de Marzo de 2025 na Praza das Toldas de Maceda, tivo lugar o acto de entrega dos premios ós gañadores.

Fixeron acto de entrega o Presidente da Asociación de Comerciantes e Empresarios de Maceda e a Tesoureira da Asociación Rocío Apolinar Loureiro.

Recollen o Premio ó mellor “Meco Entroideiro máis Trouleiro”, unha representación da dirección do Centro de Día de Maceda, o Premio ó mellor “Meco Entroideiros máis Enxebre” a Titular do Comercio MERCERÍA PEPITA e o Premio ó mellor “Meco máis Elaborado ou de Grupos” como veciñas do Toural Cristina e Soraya.

O Entroido comeza co soar das chocas a noite de ano novo, percorrendo as rúas e avisando que o entroido xa chegou.

O Entroido de Maceda xa ten o recoñecemento de Festa de Interese Turístico de Galicia, e este ano 2025 abrimos o Entroido ca presentación oficial do cartel do Entroido e remataremos co enterro do Meco.

Este ano contaremos ca seguinte programación :

Sábado 25 de xaneiro

Acto de presentación Cartaz de Entroido 2025
Ás 12:30 h no Espazo A Fenda
(Máis Información)

Sábado 8 de febreiro:

20 h. Reparto de Mecos (Asociación de Comerciantes) e a Solta do Burro co Barullón de Carguizoi.
(Máis Información)

Sábado 15 de febreiro

Ás 16:30 h Reinado entre Tioira e Carguizoi
(Máis Información)

Domingo 16 de febreiro

Ás 16:30 h Obradoiro de Compadres e Comadres na praza das Toldas
(Máis Información)

Venres 21 de febreiro – Venres de Compadres

Ás 20 h I Ruta Tapa do Cocido de Entroido e Foliada
(Máis Información)

Sábado 22 de febreiro

Dende ás 17 h Fiadeiro de Carguizoi
(Máis Información)

Venres 28 de febreiro – Venres de Comadres

Venres de comadres que rematará cunha cea as 21:00h e pasabares o rematar
(Máis información)

Sábado 1 de marzo

Percorrido dos Felos pola Serra de Maceda
(Máis información)

Baixada da Marela por Maceda acompañada de charangas e música.
(Máis información)

Domingo 2 de marzo

Percorrido dos Felos pola Serra de Maceda
(Máis información)

Ás 12 h Fiadeiro de Calvelo
(Máis información)

Luns 3 de marzo

Ás 18 h baixada da Mareliña
(Máis información)

Martes 4 de marzo

Desfile urbano polas rúas de Maceda ás 17:30h
(Máis Información)

Venres 7 de marzo

Enterro dos Mecos ás 20 h
(Máis información)

Dende a asociación de Comerciantes e Empresarios de Maceda colocaronse como veñen facendo os anos anteriores os nosos “Mecos” nas portas dos negocios.

Repartironse tamén “esqueletos” tanto na vila como nos pobos, os veciños que os solicitaron  para animar a xente a que participe a disfrazalos, e así  decorar rúas e prazas.

Así, o sábado 8 de febreiro de 2025 ás 20h., conxuntamente co “Barullón de Carguizoi” tivemos “a solta do burro” e a procesión dos mecos dende “O bar Cortes” ata o centro da vila, onde se rematou colgando un deles na praza do pobo.

Unha procesión animada a pesar da chuvia, para dar o pistoletazo de saída do entroido dende a Asociación de Comerciantes e Empresarios de Maceda e motivo para seguir a festa.

A Asociación de comerciantes e empresarios de Maceda convoca un concurso de elaboración de Mecos, dentro da programación dos festexos do Entroido.

A este concurso poderán presentarse tódol@s veciñ@s do Concello de Maceda que o desexen, tanto a nivel particular como colectivo (Asociacións Culturais, Asociacións Veciñais, etc…), e tamén calquer tipo de negocio empresarial de Maceda sexa ou non socio desta asociación.

O prazo de inscrición no concurso será dende o día 4 ao 28 de Febreiro de 2025, ambos incluídos.

A inscrición realizarase a través de correo electrónico enviando os datos persoais, enderezo de ubicación do meco, unha fotografía do mesmo e o nome que se lle deu ó meco (comercioenmaceda@hotmail.com ) ou por teléfono: 988317110.

A votación será popular a través do formulario correspondente que se habilitará para poder exercer o voto e que se publicará na conta de Facebook da Asociación de Comerciantes e Empresarios de Maceda,

O prazo de votación irá dende o día 1 ó 5 de marzo (ambos dous inclusive).

Premios

– Meco máis entroideiro: cata espirituosa para seguir entroidando (cesta cheíña de verdadeiras xoias vinícolas e licores ancestrais…)

– Meco máis elaborado: degustación de doce experiencias para ser felices (Cestiña irresistible cos postres máis típicos e cheos de historia da comarca).

– Meco de grupos: degustación entroideira de momentos para compartir (Cesta cocido: Banquete tradicional cos mellores produtos da comarca)

Inscribe o teu meco antes do 1 de Marzo enviando algunhas fotos do teu meco/a cos teus datos persoais e a ubicación do mesmo a: comercioenmaceda@hotmail.com

Bases do Concurso

Organizado polo concello de Maceda o 25 de xaneiro de 2025 tivo lugar ás 12:30 h. no Espazo A Fenda tera lugar o acto de presentación Cartaz de Entroido 2025

Presentado por Celso Sánchez, Concelleiro de Cultura e ca intervención dos Felos da Corga da Serra, Felos das 12 parroquias, ANPA Ceip de Maceda, Fiadeiro de Carguizoi, Asociación de Comerciantes e Empresarios de Maceda, os Taberneiros do Pobo.

Así interviron: José Antonio “Pinto”, dos Felos da Corga da Serra, lembrou que o Sábado e o Domingo de Entroido os felos percorrerán as aldeas da Serra, Javier Gómez, “Willy” falou polos Felos das 12 parroquias, a asociación que recuperou a Baixada de Marela, Miguel Iglero, organizador do Fiadeiro de Carguizoi, anunciou a recuperación do Reinado por testemuñas dos seus avós, a Asociación de Comerciantes, a través de Elvira Iglesias, organizando a colocación dos Mecos polas distintas empresas, Toño, o presidente da Asociación de Taberneiros do Pobo lembrou que se despedirá o entroido ca queima do Meco e unha pinchada organizada por eles. A ANPA do CEIP de Maceda, representada por Iria Dopazo, organizadores da  “Mareliña” e do obradoiro de elaboración de compadres e comadres, anima as familias a participar nas actividades.

Clausurou o acto Uxía Oviedo, Alcaldesa de Maceda

Fotos do Acto:

A Asociación de comerciantes e empresarios de Maceda tivo un acto público o sábado 2 novembro de 2024 no salón de plenos do Concello de Maceda.

Neste acto presentouse o proxecto “Merca en Maceda, apoia ó comercio local” financiado nun 80 % polo Inorde e un 20% con cargo ós fondos propios desta asociación.

Dentro de este proxecto englobanse tres accións diferenciadas:

A posta en marcha dun portal web interactivo www.comercioenmaceda.com como portal de información do eido comercial e empresarial asi como do referente o tema de actividades culturales e turisticas ou calquer información de interese.

A creación dun produto audivisual para concienciar do importante que é mercar no teu entorno para así mellorar entre todos:

A difusión de ofertas e informacións comerciais e empresarias a traves dun folleto que se repartirá por toda a contorna.

Galería de imaxes: